36- ''علمتني يا لالة نرفد السلة و نمشي قدامك نديرلك في البحر قنطرة (جسر) و في السماء سلوم عليك يا لالا نخلي بلاد الروم''''
37- التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .
38- يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك
39- 'خيوط الليل ذابت ..و شعاع الصبح بان..
و الشمس فوق لاحت..ذهب عليا اللي كان..
و اللي زمان غابت..جات اليوم تبان ..
تسقم السعد ثابت...اتهنيت و الحظ زيان..'
40- علاش يا السي عبد القادر عليك التخمام رحمة ربي واسعة وكبيرة لوكان جات
بالكلام نتحدثوا أو نعطيك تدبيرة، بالصح كل شي بالمكتوب ويعيا الخير يبان
وتزول عليك هاد الحيرة
41- يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
42- جايز على بابنا جايز واش تشوف انا لابسة لحرير و
انت لابس الصوف قالها يا لالة لباس الرجال مخلوف ارواحي ليا نلبسك لقاط و
نزيدلك الشنتوف
43- الطآقة للطآقة والقلوب عشّآقة نطلب من ربّي ان شآء الله العيون تتلآقـى
44- عيطت على سيد الملاح صبت الناس رقود هزيت الدالية طاح منها عنقود
النجوم قالت النجوم نحكي و قال القمر نذوب اصبر يا قلبي ياك كل شي مكتوب .
45- حوم حوم يا حوام ، حوم فوق السطح العالي ، و قول لها يا لالة يا زينة
لبنات و خدودها براقة ، و عيونها غرّاقة ، صارت كل القلوب ليها سبّاقة
46- دير مزيتك يا حمام ..سافر أو روح القاها ..خبرها بهاد لكلام ..محال أنا
ننساها ...لحياة من غيرها ضلام ..المكتوب كواني أو كواها..حرم عليا المنام ..سهران في هواها..سبابي هو نتيا رحتي ما وليتيش 47- زرعت قدام بابكم زريعة القصبر هذي على بنتكم اذا كانت تصير بنت الحسب والنسب الي فيها نشكر وكلامي عليها ديما كالعسل
48- ""غرست ياسمينة فـي وسـط الـدار كـبرت ومـدت لزهار مابـيـا والو غير
داك المكنون في العسل والبلار ، فالي يا العزيزة عللاه الحزن والمرار قريب
إنجي و تطفى عليك و علي هذا النار ""
49- غلقت عيني وشفت رؤيا شفت طير يرفرف على رف قالي فاعل
الخير ديما ينسى وفاعل الشر ديما يشفى امشي بنية اذا تخلطت ديما تصفا 50- في يدي القمح المسبل ومليت حجري ترفاس وسعدي الزين المدلل تاجي فوق راسي على عهدي مانتبدل لوكان ندور قاع الناس كل وحدة توقلنا واش خرجلها فالها 
موضوع: تفضلو مع قعدة البوقالات تسلية رااائعة 
